Pro 24:14-20 | SwhNEN | STEP | Ujue pia kwamba hekima ni tamu kwa nafsi yako, kama ukiipata, kuna matumaini kwako ya siku zijazo, nalo tumaini lako halitakatiliwa mbali.

Proverbs 24:14-20

14 ^aUjue pia kwamba hekima ni tamu kwa nafsi yako,
kama ukiipata, kuna matumaini kwako ya siku zijazo,
nalo tumaini lako halitakatiliwa mbali.

15 ^bUsivizie kama haramia afanyavyo ili kuyashambulia
makao ya mwenye haki,
wala usiyavamie makazi yake,
16 ^cKwa maana ingawa mtu mwenye haki huanguka mara saba, huinuka tena,
lakini waovu huangushwa chini na maafa.

17 ^dUsitazame kwa kufurahia adui yako aangukapo;
wakati ajikwaapo,
usiruhusu moyo wako ushangilie.
18 ^e Bwana asije akaona na kuchukia
akaiondoa ghadhabu yake mbali naye.

19 ^fUsikasirike kwa sababu ya watu wabaya
wala usiwaonee wivu waovu,
20 ^gkwa maana mtu mbaya hana tumaini la siku zijazo,
nayo taa ya waovu itazimwa.